Mançester Siti və Real 1/4 finalda!

UEFA Çempionlar Liqasında 1/8 final mərhələsinin daha iki cavab oyunu keçirilib.

Corner.az xəbər verir ki,  “Mançester Siti”  “Borussiya Münhenqladbax" ilə qarşılaşıb. Komandalar arasındakı ilk oyunda “şəhərlilər” 2:0 hesablı qələbə qazanmışdı. Bu dəfə də inamlı qələbə qazanan Mançester təmsilçisi sürprizə imkan verməyib.

Günün digər matçında  “Real”  “Atalanta”nı qəbul edib.Berqamoda keçirilən ilk oyunda Madrid klubu 1:0 hesablı qələbə qazanmışdı. Elə bu oyunda da “Real” inamlı qələbə qazanaraq növbəti mərhələyə vəsiqəni təmin edib.

1/8 final mərhələsinin daha iki cavab oyunu sabah keçiriləcək.

Çempionlar Liqası, 1/8 final mərhələsi, cavab oyunları

16 mart

Mançester Siti (İngiltərə) – Borussiya (Münhenqladbax, Almaniya) 2:0
Qol: De Breyne, 12. İ.Gündoğan, 18.
İlk oyun – 2:0

Real (İspaniya) – Atalanta (İtaliya) 3:1
Qol: Benzema, 34. S.Ramos, 60-pen. Asensio, 85 – Muriel, 83.
İlk oyun – 1:0