“Borussiya Mönhenqladbax” UEFA Çempionlar Liqasının 1/8 final mərhələsi çərçivəsində “Mançester Siti” klubu ilə cavab oyunundan da məğlub ayrılıb – 0:2.
Corner.az xəbər verir ki, bu, Bundesliqa klubunun ardıcıl 7-ci məğlubiyyətidir.
Belə ki, “Borussiya” ÇL çərçivəsində fevralın 25-də “Mançester Siti”yə ilk oyunda da 0:2 hesabıyla uduzmuşdu. Martın 2-də Almaniya kubokunda Dortmund “Borussiya”sına 0:1 yenilən bu komanda Bundesliqa çərçivəsində də “Maynts” (20 fevral, 1:2), “Leypsiq” (27 fevral, 2:3), “Auqsburq” (12 mart, 1:3) və “Bayer”ə (6 mart, 0:1) uduzub.
Qeyd edək ki, “Borussiya” 1989-cu ildən bəri ilk dəfədir ardıcıl 7 oyundan məğlubiyyətlə ayrılır.
