Benzema Karlosun rekordunu qırdı

"Real Madrid"in futbolçusu Kərim Benzema komandanın tarixinə düşüb.

Corner.az-ın məlumatına görə, 33 yaşlı hücumçu Kral klubunun heyətində Çempionlar Liqasında 108-ci oyununa çıxıb.

Fransalı forvard "Liverpul"u 3:1 hesabı ilə məğlub etdikləri 1/4 final mərhələsinin ilk matçında Madrid təmsilçisinin sabiq futbolçusu Roberto Karlosun rekordunu qırıb.

"Real Madrid"də indiyədək yalnız 3 futbolçu Çempionlar Liqasında Benzemadan daha çox oyuna çıxıb. Hazırkı kapitan Serxio Ramos 128, keçmiş hücumçu Raul Qonsales 130, sabiq qapıçı İker Kasilyas isə 150 qarşılaşmada meydanda olub.

Qeyd edək ki, Kərim Benzema 2009-cu ildən "Real Madrid"in formasını geyinir.