“Mançester Siti” klubu UEFA Çempionlar Liqasında yeni rekorda imza atıb.
Corner.az xəbər verir ki, “şəhərlilər” buna turnirinin 1/4 finalı çərçivəsində baş tutan Dortmund “Borussiya”sı ilə ilk oyunda nail olub
Premyer Liqa təmsilçisi qarşılaşmanın 19-cu dəqiqəsində Kevin de Bruynenin vurduğu qol sayəsində hesabı açıblar. “Mançester Siti” məhz bu qolla ÇL-da yeni rekord müəyyənləşdirib. Sözügedən komanda öz qapısını toxunulmaz saxlamaq şərtilə ardıcıl ən çox qol vuran kollektivə çevrilib. De Bruynenin vurduğu qol bu baxımdan 18-ci olub.
Qeyd edək ki, “Mançester Siti” bu oyundan 2:1 hesabıyla qalib ayrılıb. Tərəflər arasındakı cavab görüşü bir həftə sonra Dortmundda keçiriləcək.
