Tuçel ÇL-nın yeni formatından narazıdır

"Çelsi"nin baş məşqçisi Tomas Tuçel Çempionlar Liqasının yeni formatından narazıdır.

Corner.az xəbər verir ki, 47 yaşlı mütəxəssis, komandaların daha çox matç keçirəcəyi üçün futbolçuların yorğun olacaqlarını deyib:

"Yeni formatın xoşuma gəldiyini deyə bilmərəm. Çünki çox oyuna çıxacağıq. Bu yeni formatı qəbul edərkən hansısa məşqçi ilə məsləhətləşdilər? Bəs, hansısa futbolçudan nə isə soruşdular? Beynəlxalq səviyyədə çoxlu yarış var. Bu matçlarda kim oynayacaq? Mən bu formatdan razı deyiləm"

Qeyd edək ki, ÇL-in yeni formatına əsasən, 2024/25 mövsümündən başlayaraq qrup mərhələsi ləğv olunacaq, komandaların ümumi sayı 32-dən 36-yə yüksəldiləcək. Həmin vaxta qədər isə yarış indiki formatda davam edəcək