“Real”ın futbolçusu Rafael Varan Çempionlar Liqasının yarımfinalında “Çelsi”yə qarşı keçirəcəkləri ilk oyun haqda fikirlərini bildirib.
Corner.az xəbər verir ki, UEFA-nın mətbuat xidmətinə danışan fransalı müdafiəçi, qüsursuz oynamalı olduqlarını deyib:
“Çempionlar Liqasının yarımfinalındayıq. Cütün taleyi xırda şeylərdən asılı olacaq. Qələbə düşüncəsi ilə meydana çıxıb, qüsursuz oynamalıyıq. Müsbət nəticə əldə etmək üçün hər şeyi edəcəyik.
“Çelsi” çox balanslı komandadır, yaxşı oyunçuları var. Fərqli taktikalar ilə oynamağı bacarırlar. Sürətli komandaların oyunlarına tez uyğunlaşmaq lazımdır. Müdafiədə diqqətli olmalıyıq. Komanda şəklində çalışıb, rəqibə boş zona verməməliyik”.
Bu gün keçiriləcək “Real” – “Çelsi” matçı saat 23:00-da start götürəcək.
