Hədəfim Çempionlar Liqasını qazanmaqdır – Neymar

PSJ-nin hücumçusu Neymar Çempionlar Liqasının yarımfinal mərhələsində “Mançester Siti”yə (İngiltərə) qarşı keçirəcəkləri ilk oyunla bağlı fikirlərini bildirib.

Corner.az xarici mətbuata istinadən xəbər verir ki, 29 yaşlı futbolçu, qələbə qazanmaq üçün hər şeyi edəcəklərini deyib:

“Çox çətin oyun olacaq. “Mançester Siti” möhtəşəm komandadır. “Bavariya” ilə oyunlar qədər çətin olacaq. Əlimizdən gələnin ən yaxşısını edəcəyik və bu mövsüm də finala vəsiqə qazanacağıq.

Hədəfim Çempionlar Liqasını qazanmaqdır. “Qızıl top” mənim üçün hədəf deyil. Tək düşüncəm Çempionlar Liqasını qazanmaqdır. PSJ ilə bunu bacarmağı çox istəyirəm”.

Qeyd edək ki, bu gün keçiriləcək PSJ – “Mançester Siti” matçı saat 23:00-da start götürəcək.