ÇL-da həftənin futbolçusu adına namizədlər

UEFA Çempionlar Liqasının yarımfinal mərhələsinin ilk oyunlarından sonra həftənin ən yaxşı futbolçusu adına namizədlər açıqlanıb.

Corner.az-ın məlumatına görə, bu ada "Real"dan Kərim Benzema, "Çels"dən N'Qolo Kante, "Mançester Siti"dən Kevin De Bruyne və PSJ-dən Anxel Di Mariya iddia edir.

Benzema evdə "Çelsi" ilə 1:1 hesablı heç-heçə etdikləri matçda fərqlənib. Kantenin həmin oyunda ötürmələrinin 86 faizi dəqiq alınıb.

De Bruyne səfərdə PSJ-yə 2:1 hesabı ilə qalib gəldikləri görüşdə qol vurub. Di Mariya isə bu qarşılaşmada məhsuldar ötürmə ilə yadda qalıb.

Qeyd edək ki, qalib UEFA-nın rəsmi saytında azarkeşlər arasındakı səsvermə nəticəsində bəlli olacaq. Cavab qarşılaşmaları 4-5 mayda oynanılacaq.