- Çempionlar liqası
- 00:56 24.10.2024
PSJ-nin baş məşqçisi Maurisio Poçettino Çempionlar Liqasının yarımfinal mərhələsi çərçivəsində “Mançester Siti”yə 1:2 hesabıyla uduzduqları ilk oyundan sonra fikirlərini bildirib.
Corner.az xəbər verir ki, UEFA-nın mətbuat xidmətinə danışan argentinalı mütəxəssis görüşü belə şərh edib:
“İki fərqli hissə gördük. İlk hissədə yaxşı oynadıq, şanslar yaratdıq. Fasilədən sonra isə “Mançester Siti” daha yaxşı idi. Təsadüfi qollar vurdular. Buna baxmayaraq, şansları da bizdən çox oldu.
İki qol buraxdığımız üçün məyusuq. “Mançester Siti” sabit oynadı. Onlarla mübarizə aparmaq asan deyildi. Topu özlərində daha çox saxlayırdılar və aqressiv oynayırdılar. Topu onlardan almaq bizim üçün asan deyildi.
Futbolda hər şeyə inanmalısan. İngiltərədə cavab oyunu olacaq. Qol vurmağa və qələbə qazanmağa çalışacağıq”.
Qeyd edək ki, “Mançester Siti” PSJ-ni səfərdə 2:1 hesabıyla məğlub edib. Komandalar arasındakı cavab matçı mayın 4-də keçiriləcək.