Mançester Siti və Qvardiola yeni uğura imza atdı

"Mançester Siti" Çempionlar Liqasında qələbə sayında İngiltərə klubları üçün rekord müəyyənləşdirib.

Corner.az-ın məlumatına görə, "şəhərlilər" qitənin ən nüfuzlu klub turnirində ölkənin ardıcıl 11 qələbə qazanan ilk komandası olub. Pep Qvardiolanın baş məşqçi olduğu kollektiv bu mövsüm bir dəfə "Portu" (3:1), iki dəfə "Marsel" (3:0; 3:0), "Olimpiakos" (3:0; 1:0), "Borussiya Mönhenqladbax" (2:1; 2:1) və  PSJ-ni (2:1; 2:0) yenib və yalnız bir dəfə qrup mərhələsində "Portu" ilə qolsuz heç-heçə edib.

Qvardiolanın özü isə baş məşqçi kimi üçüncü dəfə Çempionlar Liqasının finalına yüksəlib. Hər 3 həlledici qarşılaşma 3 müxtəlif onilliyə - 2008/2009, 2010/2011 (hər ikisi İspaniya "Barselona"sı) və 2020/2021 mövsümlərinə təsadüf edib. Əvvəllər belə bir nailiyyətə yalnız Aleks Ferqyuson "Mançester Yunayted"in baş məşqçisi kimi 1998/1999, 2007/2008, 2008/2009 и 2010/2011 mövsümlərində imza atıb. Əvvəlki iki finalda Qvardiola məhz Ferqyusonla üz-üzə gəlib.

Bu dəfə "Mançester Siti" finalda "Çelsi" (İngiltərə) - "Real Madrid" (İspaniya) cütünün qalibi ilə qarşılaşacaq.(report)