Mbappenin yoxluğu bəhanə ola bilməz – Poçettino

PSJ-nin baş məşqçisi Maurisio Poçettino Çempionlar Liqasının yarımfinal mərhələsində “Mançester Siti”yə məğlub olduqları cavab oyunundan sonra fikirlərini açıqlayıb.

Corner.az xarici mətbuata istinadən xəbər verir ki, argentinalı mütəxəssis, 0:2 hesabıyla bitən oyunla (ilk oyun 1:2) bağlı bunları söyləyib:

“Mançester Siti”yə çətin anlar yaşada bildik. Mançester Siti kimi bir komandaya qarşı belə vəziyyətləri yaratmaq asan deyil. Bəzən şansa da ehtiyac olur, bu gün isə o şans bizdə yox idi. Mbappenin yoxluğu bəhanə ola bilməz. Komandamla və futbolçularımla qürur duyuram.