Çempionlar Liqasının finalında İngiltərə derbisi!

UEFA Çempionlar Liqasında yarımfinal mərhələsinin oyunlarına yekun vurulub.

Corner.az xəbər verir ki, sonuncu oyun günündə “Real” səfərdə “Çelsi” ilə üz-üzə gəlib.

Bu komandalar arasında Madriddə baş tutan ilk görüşdə 1:1 hesabı yekunlaşmışdı. Bu səbəbdən London təmsilçisinə mərhələ adlamaq üçün qolsuz heç-heçə də kifayət edirdi. “Real” isə səfərdən mütləq qələbə ilə qayıtmalı idi. Lakin 90 dəqiqənin sonunda meydan sahibləri qələbə qazanaraq finala vəsiqə qazanıb.

UEFA Çempionlar Liqası
Yarımfinalın cavab oyunu
5 may

"Çelsi" – "Real" 2:0
Qol: Verner, 28. Maunt, 85.
London. “Stemford Bric” stadionu. Baş hakim: Daniele Orsato (İtaliya).
İlk oyun – 1:1.