Maunt 10 ildən sonra Runinin uğurunu təkrarladı

 "Çelsi"nin futbolçusu Meyson Maunt 10 ildən sonra "Mançester Yunayted"in sabiq futbolçusu Ueyn Runinin uğurunu təkrarlayıb.

Corner.az-ın məlumatına görə, 22 yaşlı hücumçu 2011-ci ildən sonra Çempionlar Liqasının yarımfinal mərhələsində qol vuran ilk ingiltərəli oyunçu olub.

Maunt doğma meydanda "Real"a 2:0 hesabı ilə qalib gəldikləri görüşdə fərqlənib.

Son olaraq 2011-ci ildə Runi "Mançester Yunayted"in heyətində "Şalke" klubuna yarımfinal oyununda qol vurub.

Qeyd edək ki, "Çelsi" Çempionlar Liqasının finalında İngiltərənin digər təmsilçisi "Mançester Siti" ilə üz-üzə gələcək. Qarşılaşma mayın 29-da olacaq.