- Çempionlar liqası
- 10:29 22.10.2024
Çempionlar Liqasının 1/8 final mərhələsinin ilk oyunları çərçivəsində “Bayern Munich” ilə 0:0 hesablı bərabərliyə razılaşan “Liverpool”un baş məşqçisi Jurgen Klopp, matçdan sonra açıqlama verib.
Corner.az xəbər verir ki, almaniyalı mütəxəssis, oyunun çətin keçdiyini bildirib: “Bayern Munich” fiziki olaraq çox güclü komandadır. Cərimə meydançasının ətrafında çox oynadıq. İki komanda üçün də çətin oyun keçdi, müdafiəçilər çox yaxşı oynadılar. Xüsusilə, Henderson bu gün fantastik oyun göstərdi. Oyunda son nöqtəni qoya bilməməyin problemini yaşadıq. Daha yaxşı oynaya bilərik və oynamalıyıq”.
51 yaşlı mütəxəssis, bu hesabın onun üçün problem yaratmadığını deyib: “Bu hesab mənim üçün problem deyil. 0:0 hesabı pis nəticə deyil, təbii ki, möhtəşəm nəticə də əldə etmədik. Hər iki komanda hörmət ediləcək oyun sərgilədi. “Bayern”lilər bizə çətin anlar yaşatdılar. Cavab oyununu onlar üçün daha çətin vəziyyətə gətirə bilərdik, amma fürsətləri dəyərləndirə bilmədik”. (komanda)