"Hələ də şansımız var" - Allegri

"İkinci hissə pis alındı. İstədiyim kimi oynaya bilmədik.  Anlayırdıq  ki, "Atletico" bizə yaxşı oynamağa imkan verməyəcək. Amma futbolçular buna uyğunlaşa bilmədi və cəzalandırıldı".

Corner.az-ın  məlumatına görə,  bu sözləri "Juventus"un baş məşqçsi  Masimiliano Allegri Çempionlar Liqasının 1/8 finalında "Atletico"ya 0:2 hesabı ilə uduzduqları ilk oyundan  sonra  deyib. "İkinci hissə dəhşətli keçdi.  Çünnki səhvlər buraxdıq və rəqibə öz oyununu göstərmək imkanı verdik" - deyə o bildirib.

İtalyalı mütəxəssisin sözlərinə görə, hələ də növbəti mərhələyə yüksəlmək şansları var: "Turində çətin olacaq. Böyük matça çıxacıq, amma qələbə qazanacağımıza inanıram. Ötən mövsüm "Real"a 0:3 hesabı ilə uduzandan sonra da şansımızı davam etdirmişdik. İndi də belə olacaq. Məğlubiyyəti mümkün qədər tez unudub Turində daha yaxşı oynamağa çalışmalıyıq. "Atletico" kimi komandalarla oyunda istənilən qeyri-dəqiq ötürmə  problem yarada bilir". (qol.azl)