Çempionlar Liqası: Neftçi növbəti mərhələdə!

Azərbaycan çempionu “Neftçi” bu gün futbol üzrə Çempionlar Liqasında (ÇL) növbəti matçına çıxıb.

Corner.az xəbər verir ki, paytaxt təmsilçisi doğma meydanda ÇL-in 1-ci təsnifat mərhələsi çərçivəsində Gürcüstanın “Dinamo” (Tiflis) komandasını qəbul edib.

Bu komandalar arasında səfərdə olan ilk görüş “ağ-qaralar”ın qələbəsiylə baş çatmışdı – 2:1. 

Bu dəfə də qarşılaşmada hesabı gürcülər açıblar. Amma sonradan iki qol vuran “Neftçi” yenə 2:1 hesabı ilə qələbə qazanıb. Beləliklə,, Azərbaycan çempionu növbəti mərhələyə vəsiqəni təmin edib.

Qeyd edək ki, bu cütün qalibi – “Neftçi” ÇL-in 2-ci təsnifat mərhələsində Yunanıstan təmsilçisi “Olimpiakos”la qarşılaşacaq. Məğlub komanda – “Dinamo” isə yoluna Konfrans Liqasında davam edəcək. Bu komandanı “Makkabi” (Hayfa, İsrail) ilə duel gözləyir.

UEFA Çempionlar Liqası
1-ci təsnifat mərhələsinin cavab oyunu
14 iyul

Neftçi – Dinamo (Tiflis) 2:1
Qol: E.Mahmudov, 58-pen. N.Ələsgərov, 68 – M.Radin, 51.
Baş hakim: Dumitru Muntean (Moldova).
Bakı. “Bakcell Arena”.