ÇL-da I təsnifat mərhələsinə yekun vuruldu

 UEFA Çempionlar Liqasında 1-ci təsnifat mərhələsinə yekun vurulub.

Corner.az xəbər verir ki, sonuncu oyun günündə 4 qarşılaşma keçirilib.

Günün ilk matçında Qazaxıstanın “Kayrat” və İsrailin “Makkabi” (Hayfa) klubları qarşılaşıb. Qazaxıstan çempionu inamlı qələbə qazanaraq növbəti mərhələyəə adlayıb.

Azərbaycan çempionu “Neftçi” də növbəti matçına çıxıb. Samir Abasovun komandası səfərdə qalib gəldiyi Gürcüstanın “Dinamo” (Tiflis)sunu bu dəfə doğma meydanda qəbul edib və yenə eyni hesabla qalib gəlib.

Azərbaycan millisin hücumçusu Mahir Emrelinin çıxış etdiyi Polşa “Legiya”sı da bu gün meydana çıxıb. Sözügedən komanda doğma meydanda Norveçin “Bodo Qlimt” komandası üzərində inamlı qələbə qazanaraq növbəti mərhələyə vəsiqəni təmin edib..

UEFA Çempionlar Liqası
1-ci təsnifat mərhələsinin cavab oyunları
14 iyul

Kayrat (Qazaxıstan) – Makkabi (Hayfa, İsrail) 2:0
İlk oyun – 1:1

Alaşkert (Ermənistan) – Konnah (Uels) 1:0
İlk oyun – 2:2

Neftçi (Azərbaycan) – Dinamo (Tiflis, Gürcüstan) 2:1
İlk oyun – 2:1

Legiya (Polşa) – Bodo Qlimt (Norveç) 2:0
İlk oyun – 3:2