Komandanı tək buraxdığıma görə çox üzgünəm

Yunanıstanda "Olimpiakos"la UEFA Çempionlar Liqasının II təsnifat mərhələsinin ilk oyununda qırmızı vərəqə alan "Neftçi"nin futbolçusu Mert Çelik sosial şəbəkədə paylaşım edib.

Corner.az-ın məlumatına görə, 21 yaşlı müdafiəçi şəxsi "İnstaqram" hesabında meydandan qovulduğu üçün məyus olduğunu yazıb.

"Cavab qarşılaşmasında komandamı tək buraxdığıma görə çox üzgünəm. Ümid edirəm ki, Bakıda daha yaxşı nəticə əldə edəcəyik", - deyə oyunçu yazıb.

Qeyd edək ki, görüşün 63-cü dəqiqədə Mert Çelik rəqib futbolçu Oleq Ryabçukun sifətinə təpiklə zərbə endirdiyi üçün birbaşa qırmızı vərəqə ilə cəzalandırılıb.

Qarşılaşma "Neftçi"nin minimal hesablı məğlubiyyəti ilə başa çatıb - 0:1.