Fatih Terimdən 1:5-ə şərh

“Qalatasaray”ın baş məşqçisi Fatih Terim Çempionlar Liqasının 2-ci mərhələsi çərçivəsində PSV-yə (Niderland) qarşı keçirdikləri oyunu şərh edib.

Corner.az xəbər verir ki, 67 yaşlı mütəxəssis, 1:5 hesabıyla məğlub olduqları matçla bağlı bunları deyib:

“Rəqibi təbrik edirəm. Bizdən daha yaxşı oynadılar. Rahat qələbə qazandılar. Komandamızın daha yüksək səviyyədə oynaması üçün lazım olanları edəcəyik. PSV həm fərqli qazandı, həm də böyük ehtimalla turu ... Məyusuq amma zaman içərisində lazım olan hər şeyi edəcəyik.

Əlimizdə bəzi mövqelərə uyğun olan futbolçular yoxdur. Əlavə olaraq nə Radamel Falkao hazır, nə də Mustafa Məhəmmədi hazır hiss edirik. Buna görə onlara az vaxt verdik. Məğlubiyyətdən sonra hər kəsin fikri dəyişik ola bilər. Oyun planımız belə idi.”