Ronaldodan huşunu itirən stadion işçisinə jest - FOTO

“Mançester Yunayted”in futbolçusu Kriştiano Ronaldo Çempionlar Liqasının qrup mərhələsinin 1-ci turunda “Yanq Boyz” (İsveçrə) ilə oyundan əvvəl isinmə hərəkətləri edən zaman təsadüfən topla xəsarət yetirdiyi qadın stüarta hədiyyə verib.

Corner.az xəbər verir ki, 36 yaşlı hücumçu matç öncəsi məşq zamanı vurduğu top stadion işçisinə dəyib. Zərbədən huşunu itirən qadın bir müddət sonra özünə gəib.

Portuqaliyalı futbolçu xəsarət yetirdiyi stadion işçisindən üzr istəyərək ona öz formasını hədiyyə edib.

“Yanq Boyz” – “Mançester Yunayted” matçı meydan sahiblərinin 2:1 hesablı qələbəsiylə yekunlaşıb.