UEFA Çempionlar Liqasında qrup mərhələsinin 2-ci turun oyunlarına start verilib. Corner.az xəbər verir ki, ilk oyun günündə A, B, C və D qrupunun qarşılaşmaları keçirilib.
A qrupunda PSJ doğma meydanda “Mançester Siti” ilə üz-üzə gəlib. Paris təmsilçisi bu oyunda inamlı qələbə qazanıb. Qrupun digər matçında “Leyptsiq” doğma meydanda “Brügge”yə məğlub olub.
Turun daha bir maraqlı qarşılaşması B qrupu çərçivəsində baş tutub. “Milan” “San Siro”da İspaniya çempionu “Atletiko”nu qəbul edib. Görüşdə meydan sahibləri hesabı açsa da, qonaqlar son dəqiqədə vurduğu qollarla əzmkar qələbə qazanıb. Qrupun digər oyununda “Liverpul” səfərdə “Portu”nun qonağı olub və darmadağınla qalib gəlib.
Türkiyənin turnirdəki yeganə təmsilçisi “Beşiktaş” C qrupu çərçivəsində səfərdə “Ayaks”ın qonağı olub və görüşdən məğlubiyyətlə ayrılıb. Qrupun digər oyununda Dortmund “Borussiya”sı doğma meydanda Lissabon “Sportinq”ni qəbul edib və minimal hesabla qalib gəlib.
D qrupunda isə Ukraynanın Şaxtyor klubu doğma meydanda İtaliya çempionu "İnter"i qəbul edib. Bu matçda qapılara qol vurulmayıb. Madrid "Real"ı isə doğma meydanda Moldova "Şerif"ini qəbul edib və gözlənilməz şəkildə məğlub olub.
UEFA Çempionlar Liqası
Qrup mərhələsi, 2-ci tur
28 sentyabr
A qrupu
PSJ (Fransa) – Mançester Siti (İngiltərə) 2:0
Qol: Qeye, 8. Messi, 74.
Leyptsiq (Almaniya) – Brügge (Belçika) 1:2
Qol: Nkunku, 5 – Vanaken, 22. Rits, 41.
PSJ – 4, Brügge – 4, Mançester Siti – 3, Leyptsiq – 0
B qrupu
Portu (Portuqaliya) – Liverpul (İngiltərə) 1:5
Qol: Taremi, 75 – Salah, 18; 60. Mane, 45. Firmino, 77; 83.
Milan (İtaliya) – Atletiko (İspaniya) 1:2
Qol: Leao, 20 – Qrizmann, 84. L.Suares, 90+4-pen.
Liverpul – 6, Atletiko – 4, Portu – 1, Milan – 0
C qrupu
Ayaks (Niderland) – Beşiktaş (Türkiyə) 2:0
Qol: Berqeys, 17. Haller, 43.
Borussiya (Dortmund, Almaniya) – Sportinq (Portuqaliya) 1:0
Qol: Malen, 37.
Ayaks – 6, Borussiya – 6, Beşiktaş – 0, Sportinq – 0
D qrupu
Şaxtyor (Donetsk, Ukrayna) – İnter (İtaliya) 0:0
Real (İspaniya) – Şerif (Moldova) 1:2
Qol: Benzema, 65-pen – Yaxşıbayev, 25. Till, 90.
Şerif – 6, Real – 3, İnter – 1, Şaxtyor – 1
