- Çempionlar liqası
- 23:48 20.03.2026
İspaniyanın "Barselona" klubunun baş məşqçisi Ronald Kuman Portuqaliyada "Benfika"ya 0:3 hesabı ilə uduzduqları UEFA Çempionlar Liqasının qrup mərhələsinin II tur oyunundan sonra mümkün istefası barədə danışıb.
Corner.az-ın məlumatına görə, 58 yaşlı mütəxəssis gələcəyi haqqında heç bir fikrinin olmadığını söyləyib.
"Bu, mənim əlimdə deyil. Nə olacağını görəcəyik. Futbolçuların dəstəyini hiss edirəm. Digər məsələləri bilmirəm. Klubun fikrini də bilmirəm".
Qeyd edək ki, "Barselona" ilk turda Almaniya "Bavariya"sına da eyni hesabla uduzub.
