UEFA Ronaldoya qarşı intizam işi açıb

UEFA İtaliyanın "Juventus" klubunun futbolçusu Cristiano Ronaldoya qarşı intizam işi açıb.

Corner.az qurumun rəsmi saytına istinadən xəbər verir ki, buna 34 yaşlı hücumçunun Çempionlar Liqasının 1/8 final mərhələsinin cavab oyununda evdə "Atletico"nu 3:0 hesabı ilə məğlub etdikləri matçda etdiyi qeyri-etik hərəkətlər səbəb olub.

Portuqaliyalı hücumçu qarşılaşma başa çatdıqdan sonra Madrid təmsilçisinin azarkeşlərinə qarşı xoşagəlməz jest edib.

Qeyd edək ki, "Juventus" ilk görüşdə 0:2 hesabı ilə uduzduğu "Atletico"nu cavab matçında Cristiano Ronaldonun "het-trik"i sayəsində üstələyib.Əlavə edək ki, ilk matçda "Atletico"un baş məşqçisi Diego Simeone eyni hərəkəti edib və 20 min avro məbləğində cərimələnib.