Bilirəm qələbə qazanmalıyıq - Modriç

"Real”ın futbolçusu Luka Modriç Çempionlar Liqasında “Şaxtyor”a (Ukrayna) qarşı keçirəcəkləri oyundan əvvəl açıqlama verib.

Corner.az xəbər verir ki, “tribuna.com” saytına danışan xorvatiyalı yarımmüdafiəçi, Ukrayna təmsilçisinin bu il güclü oynadığını deyib:

“Vacib oyun olacaq. Son görüşlərdə yaxşı çıxış etmirik, yenidən vəziyyəti düzəltməyə çalışmalıyıq. Həqiqi “Real” kimi meydana olmalıyıq.

Bilirəm, qələbə qazanmalıyıq. “Şaxtyor”un güclü komanda olduğunu da unutmamaq lazımdır. Onlarötən il bunu bizə sübut etdilər. İndi də formadadırlar və daha güclüdülər. Ən yaxşı oyunumuzu göstərərək, qələbə qazanmağa çalışacağıq”.

Bu gün keçiriləcək “Şaxtyor” – “Real” matçı saat 23:00-da başlayacaq.