Ronaldoya şübhəsi olan varsa, bu oyuna baxsın

“Mançester Yunayted”in baş məşqçisi Ole-Qunnar Sulşer Çempionlar Liqasında “Atalanta”ya qalib gəldikləri oyundan (3:2) sonra açıqlama verib.

Corner.az xarici mətbuata istinadən xəbər verir ki, norveçli mütəxəssis, komandasına qələbə qazandıran qolu vuran Kriştiano Ronaldo haqda danışıb:

“Bizim komandanın geri dönüş etmək adəti var. Qələbəyə olan inamımızı itirmədik və çalışaraq bu inamımızı göstərdik.

Ronaldonun çalışqanlığına və mübarizliyinə şübhəsi olan varsa, bu oyuna baxsın. Onun necə qaçdığına diqqətlə baxın. Futbolçulara hörmətsizlik etmək olmaz. Onlar “Mançester Yunayted” forması üçün çıxış edir və buna görə dünyanın ən şanslı adamı olduqlarını bilirlər. Milyonlarla uşağın xəyalı bu formanı geyinməkdir”.