UEFA Çempionlar Liqasının (ÇL) qrup mərhələsinin 3-cü turu çərçivəsində baş tutan “Malmö” (İsveç) ilə oyun “Çelsi”nin yarımmüdafiəçisi Jorjinyo üçün əlamətdar olub.
Corner.az xəbər verir ki, 29 yaşlı futbolçu bu qarşılaşmada iki fərqli qapıçıya penaltidən qol vurub.
ÇL-da ilk dəfə “Sparta”nın müdafiəçisi Vladimir Labant 1999-cu ildə “Villem”lə görüşdə (4:3) bunu reallaşdırıb. İtaliyalı futbolçu isə ikinci belə oyunçu kimi tarixə düşüb.
Jorjinyo eyni zamanda yalnız penaltidən fərqlənən futbolçular arasında ən çox qol vurmaqla Çempionlar Liqası rekorduna sahibdir. Hazırda 6 belə qolu olan İtaliya millisinin üzvü, slovakiyalı Vladimir Labantı (5) geridə qoymağı bacarıb.
“Çelsi” doğma meydanda qarşılaşdığı “Malmö” ilə oyundan 4:0 hesablı qələbə ilə ayrılıb.
