Ronaldo ÇL-dakı rekordlarını paylaşıb - FOTO

İngiltərənin "Mançester Yunayted"in futbolçusu Kriştiano Ronaldo Çempionlar Liqasındakı rekordları barədə paylaşım edib.

Corner.az-ın məlumatına görə, 36 yaşlı hücumçu Avropanın ən nüfuzlu klub turnirində çıxış etdiyi 3 komandanın formasında poster hazırlatdırıb. "Mançester Yunayted"dən əlavə, "Real Madrid" və "Yuventus"da çıxış etmiş portuqaliyalı futbolçu fotoya rekordlarını qeyd etdirib: 179 matç, 137 qol, 5 qat qalib.

"Çempionlar Liqasının energetikası. Bu turniri sevirəm", - deyə Ronaldo əlavə edib.

Qeyd edək ki, Kriştiano Ronaldo Çempionlar Liqasının III turunda İtaliya "Atalanta"sını 3:2 hesabı ilə yendikləri qarşılaşmada dubl edib. Bununla da 3 oyundan 6 xal toplayan "Mançester Yunayted" F qrupunda 1-ci pilləyə yüksəlib.