Robert Levandovskidən Çempionlar Liqasında yeni rekord

Almaniyanın "Bavariya" klubunun futbolçusu Robert Levandovski UEFA Çempionlar Liqasında yeni rekorda imza atıb.

Corner.az-ın məlumatına görə, 33 yaşlı hücumçu buna Ukraynada Kiyev "Dinamo"suna 2:1 hesabı ilə qalib gəldikləri matçda nail olub.

14-cü dəqiqədə hesabı açan polşalı oyunçu ikinci dəfə Avropanın bir nömrəli klub turnirində iştirak etdiyi ardıcıl 9 görüşün hamısında fərqlənməyi bacarıb.

Levandovski 2020-ci ilin noyabrından meydana çıxdığı bütün qarşılaşmalarda qol vurub. O, 2019-cu ilin avqustundan 2020-ci ilin avqustunadək olan müddətdə də Çempionlar Liqasının 9 oyununda rəqib qapılarına yol tapıb.

Qeyd edək ki, Niderland millisinin sabiq üzvü Rud van Nistelroy və hazırda İngilltərə "Mançester Yunayted"ində oynayan Kriştianu Ronaldu bunu bir dəfə bacarıb.