- Çempionlar liqası
- 23:51 23.10.2024
Niderlandın "Ayaks" klubunun futbolçusu Sebastyen Haller Çempionlar Liqasının tarixinə düşüb.
Corner.az-ın məlumatına görə, 27 yaşlı hücumçu buna V turda Türkiyədə "Beşiktaş"a 2:1 hesabı ilə qalib gəldikləri görüşdə nail olub.
Qarşılaşmada dubla imza atan Haller avrokubokların qrup mərhələsində ardıcıl 5 matçda fərqlənən 4-cü oyunçu olub.
Daha əvvəl bunu İtaliya "Yuventus"undan Alessandro Del Piero (1995), hazırda Braziliyanın "Atletiko Mineyro" klubunda çıxış edən Dieqo Kosta (2014) və Almaniyanın "Borussiya" (Dortmund) komandasından Erlinq Holann bacarıb.
Alle qitənin bir nömrəli klub turnirində 9 qolla bombarlik siyahısına da başçılıq edir. O, turnirdəki debüt mövsümündə bu qədər qol vuran ilk oyunçu adına da sahib çıxıb.