Bu gün UEFA Çempionlar Liqasında 1/8 final mərhələsinin püşkü atılıb. Corner.az xəbər verir ki, püşkatma mərasimi İsveçrənin Nyon şəhərində təşkil olunub. Saat 15:00-da təşkil olunmuş ilk püşkatmanın nəticələri etibarsız hesab olunduğundan, mərasim yenidən baş tutub.
Püşkatmada qrup mərhələsini adlamış 16 komanda iştirak edib. Qrup qalibləri səpələnmişlər, ikinci yerin sahibləri səpələnməmişlər səbətində yer alıb. Səpələnməmişlər qrupunda yer alan komandalar ilk matçlarına səfərdə çıxacaqlar. Eyni qrupda oynamış, eyni ölkə təmsilçiləri bir-birinə rəqib ola bilməzlər.
1/8 finalın ilk görüşləri 2022-ci il 15-16 və 22-23 fevralda, cavab qarşılaşmaları 8-9 və 15-16 martda oynanılacaq.
UEFA Çempionlar Liqası
1/8 final
Zalsburq (Avstriya) - Bayern (Almaniya)
Sportinq (Portuqaliya) - Mançester Siti (İngiltərə)
Benfika (Portuqaliya) – Ayaks (Niderland)
Çelsi (İngiltərə) – Lill (Fransa)
Atletiko (İspaniya) – Mançester Yunayted (İngiltərə)
Vilyarreal (İspaniya) – Yuventus (İtaliya)
İnter (İtaliya) - Liverpul (İngiltərə)
PSJ (Fransa) - Real (İspaniya)
