PSJ-nin argentinalı futbolçusu Lionel Messi Çempionlar Liqasındakı püşklə bağlı açıqlama verib. Corner.az xəbər verir ki, 34 yaşlı hücumçu, əsas hədəflərinin Çempionlar Liqasını qazanmaq olduğunu bildirib:
"PSJ uzun illərdir Çempionlar Liqasını qazanmaq üçün mübarizə aparır. Onların yaxınlaşdıqları vaxtlar olub. Bu, hər bir komandanın qazanmaq arzusunda olduğu çox xüsusi bir kubokdur. Ümid edirəm ki, birlikdə bunu qazanacağıq.
Bu uğur bizə yüksəlməyə imkan verdi. Dünya çempionatı öncəsi yaxşı formadayıq. Hamının arzusu üçün var gücümüzlə mübarizə aparacağıq".
