Krauç Çempionlar Liqasındakı favoritlərini açıqladı

İngiltərə millisinin sabiq hücumçusu Piter Krauç bu mövsüm Çempionlar Liqasında hansı klubları favorit hesab etdiyini açıqlayıb.

Corner.az İngiltərə mətbuatına istinadən xəbər verir ki, 41 yaşlı keçmiç hücumçu, “Liverpul”la “Mançester Siti”nin ÇL-in qalibi olmaq şanslarının daha yüksək olduğunu deyib:

“Hazırda İngiltərə futbolu əla dövrünü yaşayır, Premyer Liqa hökmranlıq edir.

Son üç ildə iki ingilis finalının olması hər şeyi deyir. Mən İngiltərə klublarının şanslarının yüksək olduğunu düşünürəm. Favoritlərim “Liverpul” və “Mançester Siti”dir. Amma bu komandalardan hansısa birini dəqiq deməyim mənim üçün çətindir.

Son çempion “Çelsi”nin də titulunu qorumaq şansı yüksəkdir. Mənim şübhəm yalnız “Mançester Yunayted”lə bağlıdır.