Neymar sona 20 dəqiqə qalmış dəyişdirilməlidir

PSJ-nin keçmiş futbolçusu Jerom Roten Çempionlar Liqasının 1/8 final mərhələsinin “Real”la ilk oyununda Paris təmsilçisinin Neymardan daha yaxşı istifadə etməli olduqlarını bildirib.

Corner.az xarici mətbuata istinadən xəbər verir ki, 43 yaşlı keçmiş futbolçu, braziliyalı hücumçunun oyuna ehtiyat oyunçular skamyasından başlamasının lazım olduğunu deyib:

“Neymar ehtiyat oyunçular skamyasında qalmalı və sona 20 dəqiqə qalmış dəyişdirilməlidir. O, fərq yarada biləcək oyunçu gücünə sahibdir.

Neymar oynamağa hazırdır və yəqin ki, matça start heyətində başlamaq istəyir. Amma onun ən yaxşı səviyyəyə çatması üçün vaxt lazımdır.

Ona oynamaq üçün 20 dəqiqə vaxt vermək bir seçimdir, həm də riskdir. Çünki Neymar iki ay yarımdır yaşıl meydanlardan uzaqdır”.

PSJ – “Real” matçı bu gün, saat 00.00-da start götürəcək.