İngiltərənin “Mançester Siti” klubu UEFA Çempionlar Liqasının 1/8 finalında səfərdə Portuqaliya “Sportinq” klubuna 5:0 hesablı qalib gəlib. Corner.az xəbər verir ki, bu qollardan dördünü “şəhərlilər” elə ilk hissədə rəqib qapısına vurub.
Bu isə ÇL tarixində yeni rekorddur. Buna qədər heç bir komanda qitənin ən nüfuzlu klub turnirində ilk hissədə dörd qol vurmamışdı.
“Mançester Siti” ÇL-də vurduğu qolların ümumi sayını da 200-ə çatdırıb. İngiltərə klubu bu turnirdə 200 qol həddinə çatan 14-cü komandadır. Sadəcə, bu komanda 200 qol həddinə cəmi 97 matçda çatıb ki, bu da yeni bir rekorddur.
