“Barcelona” – “Manchester United” matçının hakimi açıqlandı
Çempionlar Liqasında 1/4 final mərhələsinin cavab oyunlarının hakim təyinatları açıqlanıb.
Corner.az UEFA-nın saytına istinadən xəbər verir ki, “Barcelona” – “Manchester United” qarşılaşması Almaniyadan olan hakimlər briqadasına həvalə olunub. Görüşün baş hakimi Feliks Brix, köməkçiləri Mark Borş və Ştefan Lupp köməklik edəcəklər. Dördüncü hakim funksiyasını çexiyalı Pavel Kralovets yerinə yetirəcək. Matçın VAR hakimləri Bastian Dankert və Marko Frits olacaq.
“Juventus” – “Ajax” matçı isə fransalı referilərə tapşırılıb. Matçı Kleman Tyurpen idarə edəcək. Ona Nikolya Dano və Siril Qrinqor kömək edəcəklər. Dördüncü hakim Benua Bastyen, VAR hakimləri isə Nikolya Renvil ilə Fransua Leteksye olacaq.
Aprelin 16-da keçiriləcək hər iki görüş Bakı vaxtı ilə saat 23:00-da başlayacaq.
