Fernandeş ÇL-da Bekhemin rekordunu qırdı

İngiltərənin "Mançester Yunayted" klubunun futbolçusu Bruno Fernandeş UEFA Çempionlar Liqasında yeni rekorda imza atıb.

Corner.az "Opta Joe"yə istinadən xəbər verir ki, 27 yaşlı yarımmüdafiəçi buna İspaniyada "Atletiko" (Madrid) klubu ilə 1:1 hesablı heç-heçə etdikləri 1/8 final mərhələsinin ilk oyununda nail olub.

80-ci dəqiqədə məhsuldar ötürmə ilə yadda qalan portuqaliyalı futbolçu "qırmızı-şeytanlar"da turnir tarixində ardıcıl 6 matçda bunu bacaran ilk futbolçu olaraq tarixə düşüb. Fernandeş klubun sabiq yarımmüdafiəçisi Devid Bekhemin 1998-ci ildəki rekordunu qırıb.

Qeyd edək ki, Bruno Fernandeş cari mövsüm "Mançester Yunayted"in heyətində 34 oyuna çıxıb, 9 qol və 14 məhsuldar ötürmə ilə yadda qalıb.