Barcelona və Ajax yarımfinalda

UEFA Çempionlar Liqasında 1/4 final mərhələsinin cavab oyunlarına start verilib.

Corner.az xəbər verir ki, “Barcelona” öz meydanında “Manchester United”lə qarşılaşıb.Kataloniya təmsilçisi bu görüşdə 3-0 hesablı qələbə qazanaraq, yarımfinala yüksəlib.

Günün digər matçı isə İtaliyada baş tutub. “Juventus” öz doğma azarkeşləri önündə “Ajax”la üz-üzə gəlib. İlk oyunda olduğu kimi cavab matçında da hesabı turinlilər açıblar. Amma hollandların buna cavabı gecikməyib.İkinci hissəyə daha yaxşı başlayan qonaqlar daha bir qol vurmaqla İtaliya çempionunu şoku salıb. Bu hesabla, Ajax yarımfinala yüksəlib.

Çempionlar Liqası, 1/4 final, cavab oyunları

16 aprel 

Barcelona 3-0 Manchester United
Qol: Messi, 16; 20. Coutinho, 61.
İlk oyun – 1:0

Juventus 1-2 Ajax
Qol: Ronaldo, 28 – V.D.Beek, 34. De Ligt, 67.
İlk oyun – 1:1.