Benzema'nın tarixi het-triki PSJ -ni evə göndərdi

Futbol üzrə UEFA Çempionlar Liqasında 1/8 final mərhələsinin cavab oyunları keçirilir. Corner.az xəbər verir ki, bu gün daha iki oyun baş tutub.

“Real” evdə PSJ-ni qəbul edib. Bu komandalar arasındakı ilk görüş Paris təmsilçisi 1:0 hesabı ilə qələbə qazanmışdı. Cavab görüşündə də hesabı qonaqlar açsa da qalan dəqiqələrdə  "Real”ın ulduz futbolçusu Kərim Benzema ardıcıl 3 qol vuraraq Madrid təmsilçisi əzmkar qələbə qazanaraq 1/4 finala yüksəlib.

Digər qarşılaşmada isə “Mançester Siti” doğma meydanda “Sportinq”i sınağa çəkib. İlk oyunda 0:5 hesabıyla məğlub olan Portuqaliya təmsilçisi üçün bu görüş formal xarakter daşıyır deyə bilərdik. Cavab görüşündə qapılara ümumiyyətlə qol vurulmayıb. Beləcə, "şəhərlilər" növbəti mərhələyə adlayıb.

UEFA Çempionlar Liqası
1/8 finalın cavab oyunları
9 mart

Real (İspaniya) – PSJ (Fransa) 3:1
Qol: Benzema, 61; 76; 78 – Mbappe, 39.
Baş hakim: Denni Makkelini (Niderland).
İlk oyun – 0:1.

Mançester Siti (İngiltərə) – Sportinq (Portuqaliya) 0:0
Baş hakim: Halil Mehler (Türkiyə).
İlk oyun – 5:0.