“Atletiko” klubunun baş məşqçisi Dieqo Simeone Çempionlar Liqasının 1/8 final mərhələsinin “Mançester Yunayted”lə cavab oyunu öncəsi fikirlərini bölüşüb. Corner.az xəbər verir ki, argentinalı mütəxəssis hər iki komandanın təzyiq altında olacağını söyləyib.
“Rəqibin potensialını, öz meydanında yaratdığı təhlükəni bilirik, lakin bizdə özümüzə inanırıq. Mən adətən belə stadionlarda həmişə olduğu kimi, hər iki komandanın təzyiq altında olacağı sürətli oyun təsəvvür edirəm. Çalışacağıq ki, əks-hücumlarımızdan istifadə edərək, rəqibin buraxdığı səhvlərdən yararlana bilək. Onların da əla əks-hücumları var”, deyə 51 yaşlı mütəxəssis bildirib.
Qeyd edək ki, “Atletiko” və “Mançester Yunayted” arasında keçirilmiş ilk oyun 1:1 hesabı ilə yekunlaşmışdı.
