“Mançester Yunayted” klubunun baş məşqçisi Ralf Ranqnik Çempionlar Liqasının 1/8 final mərhələsinin “Atletiko Madrid”lə cavab oyunu öncəsi fikirlərini bölüşüb. Corner.az xəbər verir ki, 63 yaşlı mütəxəssis komandanın hücumçusu Kriştiano Ronaldodan çox şey gözlədikllərini söyləyib.
“Atletiko” rəqibin topa sahib olmağının əleyhinə deyil.İspaniya çempionatının son görüşlərində “Atletiko” ardıcıl olaraq topa sahiblikdən məhrum olub. Biz buna hazırıq. Təbii ki, ilk qol vurmaq çox vacib olacaq. Bu, həlledici əhəmiyyətə malikdir. Əlbəttə, çalışacağıq ki, heç vaxt üstünlüyü əldən verməyək, amma ən əsası hesab açmaqdır. Ronaldo həftəsonu "Tottenham"a qarşı yaxşı oynadı. “Atletiko” ilə matçda ondan eyni şeyi gözləyirik. Amma bu, təkcə Ronaldodan asılı deyil. Madriddəki matçın ilk yarısında “Mançester Yunayted”in necə oynamamalı olduğunu göstərdik. Dünən komanda ilə bu haqda çox danışdıq”, - deyə alman mütəxəssis bildirib.
Qeyd edək ki, bu komandalar arasındakı ilk görüş 1:1 hesabı ilə yekunlaşmışdı.
