“Atletiko” Çempionlar Liqasının 1/8 final mərhələsinin cavab oyununda (ilk oyun 1:1) səfərdə “Mançester Yunayted”ə qalib gəlib (1:0). Corner.az xarici mətbuata istinadən xəbər verir ki, Madrid təmsilçisi turnir tarixində evdə heç bir oyunda qalib gəlmədən Çempionlar Liqasında 1/4 finala yüksələn ilk klub olub.
“Atletiko” daha əvvəl Çempionlar Liqasının qrup mərhələsində evdə “Portu” ilə heç-heçə edib (0:0), “Liverpul” (2:3) və “Milan”a (0:1) məğlub olub.
İspaniya təmsilçisi iki oyunun nəticəsinə görə “Mançester Yunayted”i keçərək, ÇL-in 1/4 final mərhələsinə vəsiqə əldə edib.
