Çempionlar Liqasının 1/8 final mərhələsinin “Atletiko” ilə cavab matçında rəqib komandanın baş məşqçisi Dieqo Simeoneyə əşya atan “Mançester Yunayted” azarkeşləri cəzalandırılacaq.
Corner.az İngiltərə mətbuatına istinadən xəbər verir ki, oyunun final fitindən sonra 51 yaşlı mütəxəssis dərhal paltardəyişmə otağına yollanıb. Bu vaxt argentinalı baş məşqçiyə tribunadan müxtəlif əşyalar, o cümlədən, plastik butulkalar atılıb.
“Mançester Yunayted” rəsmiləri müşahidə kameralarına düşən görüntülər üzərində incələmərə başlayıblar. “Old Trafford”da meydançaya kənar əşyalar atmaq qadağandır. Qaydanı pozanları stadiona üç ilədək giriş qadağası gözləyir.
“Atletiko” Çempionlar Liqasının 1/8 final mərhələsinin cavab oyununda “Mançester Yunayted”ə “Old Trafford”da qalib gəlib (1:0, ilk oyun 1:1) və növbəti mərhələyə yüksəlib.
