Komandada qeyri-adi ab-hava var

“Çelsi”nin baş məşqçisi Tomas Tuçel Çempionlar Liqasının 1/8 finalında “Lill” üzərində 2:1 hesablı qələbədən sonra komandasının çıxışını və azarkeşlərə ev oyunlarına qadağa qoyulması barədə xəbərlərə münasibət bildirib

Corner.az xəbər verir ki, almaniyalı mütəxəssis komandada qeyri-adi ab-havanın hökm sürdüyünü bildirib: “1/4 finala yüksəldik, bu, böyük addımdır. Bir daha çətinlikləri dəf edə, xarakter nümayiş etdirə biləcəyimizi göstərə bildik. Layiqli qələbə qazandıq. “Lill”lə oyun heç də asan keçmədi. Komandada qeyri-adi ab-hava var. İlk gündən kəşf etdiyim şey futbola əsaslanan mentalitetdir. Komandanın hazır olması üçün hər kəs əlindən gələni edir, hamı hazırda futbola köklənib. Bu mədəniyyətdir və artıq bunun formalaşdığını görürəm. Bu bizə çətin vaxtlarda diqqətimizi yayındırmamağa kömək edir. Buna görə də mən komanda ilə fəxr edirəm və hələ də nəticələr əldə edə bildiyimiz üçün çox şadam”.