“Barcelona”nı məğlub etsək, peşman olmaram - De Jong

Növbəti mövsümdən etibarən “Barcelona”da çıxış edəcək “Ajax”ın futbolçusu Frenkie de Jong Kataloniya klubu ilə bağlı maraqlı açıqlama verib.

Corner.az xəbər verir ki, 21 yaşlı futbolçu, Çempionlar Liqasının finalında “Barcelona” ilə qarşılaşmaq ehtimalları haqqında danışıb: “Barcelona” ilə finalda qarşılaşmaq gözəl olardı. Hazırda “Ajax”ın futbolçusuyam və bu komandayla birlikdə qələbələr qazanmaq istəyirəm. “Barcelona”nı məğlub etsək, peşman olmaram. Burda olduğum müddətdə “Ajax”ın qalib gəlməsi üçün hər şeyi edərəm. Hansı komanda ilə oynamağımız mənim üçün önəmli deyil”.