'"Mançester Siti”nin yarımmüdafiəçisi Kevin de Bruyne Çempionlar Liqasının 1/4 final mərhələsinin ilk oyununda “Atletiko”ya qalib gəldikləri oyunu (1:0) şərh edib. Corner.az UEFA-ya istinadən xəbər verir ki, belçikalı futbolçu rəqibin müdafiədə əla oynadığını söyləyib:
“Birinci hissə çətin keçdi, ikinci hissədə isə bir neçə şansımız oldu və biz onlardan birini istifadə edə bildik Xoşbəxtlikdən, istədiyimiz nəticə alındı. “Atletiko” demək olar ki, 5-5-0 sistemi ilə oynadı. Azad zonalar tapmaq çox çətin idi. Biz topu demək olar ki, özümüzdə saxladıq. Bu cür oyunda sakit qalmaq və müdafiədə boşluq tapmaqda səbrli olmaq lazımdır”.
Qeyd edək ki, “Mançester Siti” “Atletiko”ya 1:0 hesabı ilə qalib gəlib