- Çempionlar liqası
- 16:20 23.10.2024
Bu gün UEFA Çempionlar Liqasında 1/4 final mərhələsinin ilk oyunlarına yekun vurulub. Corner.az xəbər verir ki, ikinci oyun günündə daha iki qarşılaşma baş tutub.
İngiltərədə turnirin son qalibi “Çelsi” doğma meydanda “Real”ı qəbul edib. Fransalı FİFA referisi Kleman Türpen idarə etdiyi oyunda “Real” inamlı qələbə qazanmaqla böyük üstünlük əldə edib.
Gecənin digər matçında Almaniyanın “Bavariya”sı İspaniyada turnirin sürpriz komandası “Vilyarreal”ın qonağı olub. İspaniya klubu 1/8 finalda “Yuventus”u üstələyərək hər kəsi təəccübləndirmişdi. Unay Emerinin komandası bu dəfə də Bundesliqa nəhəngi ilə matçda qələbə qazanmaqla hər kəsi növbəti dəfə təəccübləndirməyi bacarıb.
1/4 finalın ilk iki oyununda İngiltərə təmsilçilərindən “Mançester Siti” evdə İspaniyanın “Atletiko” (Madrid) klubuna 1:0 hesabı ilə qalib gəlib, “Liverpul” isə Portuqaliyada “Benfika”nı məğlub edib – 3:1. Cavab oyunları aprelin 12-13-də keçiriləcək.
UEFA Çempionlar Liqası
1/4 finalın ilk oyunları
6 aprel
“Çelsi” (İngiltərə) – “Real” (İspaniya) 1:3
Qol: Haverts, 40 – Benzema, 21; 24; 46.
Baş hakim: Kleman Türpen (Fransa).
“Vilyarreal” (İspaniya) – “Bayern” (Almaniya) 1:0
Qol: Danjuma, 8.
Baş hakim: Entoni Teylor (İngiltərə).