“Çelsi”nin hücumçusu Romelu Lukaku Çempionlar Liqasının 1/4 finalında “Real”la cavab oyununu buraxacaq. Corner.az xəbər verir ki, belçikalı futbolçunun dabanında zədəsi olduğu üçün bu görüşdə komandasına kömək edə bilməyəcək.
O, bu səbəbdən aprelin 9-da “Sauthempton”la (6:0) oyunda da çıxış etməyib. Lukaku Çempionlar Liqasının “Real”la oyununu da buraxacaq.
Lukaku cari mövsümdə “Çelsi”nin heyətində 36 oyunda 12 qol vurub, 2 məhsuldar ötürmə edib.
“Real” ilk oyunda “Çelsi”yə 3:1 hesabı ilə qalib gəlib. Cavab matçı aprelin 12-də keçiriləcək.
