Çinin “Şanxay Port” klubu Asiya Çempionlar Liqasında iştirakdan imtina edib. Corner.az xarici mətbuata istinadən xəbər verir ki, buna səbəb koronavirus pandemiyası səbəbindən ölkədə tətbiq edilən karantin şərtləridir.
Asiya Futbol Konfederasiyası “Şanxay Port”un səyahət məhdudiyyəti səbəbindən Tailandda keçiriləcək J qrupunun oyunlarına qatıla bilməyəcəyini açıqlayıb.
“Şanxay Port” ÇL-də iştirakdan imtina edən ikinci Çin klubu olub. Çinin digər təmsilçisi “Çanqçun Yatay” eyni səbəbdən ötən ay turnirdə iştirak etməyəcəyini bəyan etmişdi.
Çində koronavirusa yoluxma hallarının yenidən artması səbəbindən karantin rejimi elan edilib.
