Çelsi'nin baş məşqçisi hakimi tənqid etdi

İngiltərənin "Çelsi" klubunun baş məşqçisi Tomas Tuçel İspaniyada "Real"a əlavə vaxtda 2:3 hesabı ilə uduzduqları UEFA Çempionlar Liqasının 1/4 final mərhələsinin cavab oyununu idarə edən hakim Şimon Marçinyakı tənqid edib.

Corner.az-ın məlumatına görə, 48 yaşlı mütəxəssis London təmsilçisinin hesaba alınmayan qolu ilə bağlı polşalı referinin qərarından narazı qaldığını bildirib.

63-cü dəqiqədə "zadəganlar" 3-cü qolu vurub, lakin VAR Markos Alonsonun əllə oynadığını əsas gətirərək qolu qeydə almayıb. Tuçel Marçinyak həmin oyundan sonra hakimin Ançelotti ilə birlikdə gülümsəməsinə qəzəblənib: "Həm də onun həmkarım Karlo Ançelotti ilə nə qədər yaxşı vaxt keçirməsindən məyus oldum. Hakimin oyundan sonra rəqib baş məşqçi ilə birlikdə gülümsədiyini və yüksək səslə güldüyünü gördüm. Düşünürəm ki, bu, doğru davranış deyil".

Qeyd edək ki, "Çelsi"yə 3:1 hesabı ilə qalib gələn "Real Madrid" yarımfinala yüksəlib.