UEFA rəsmi saytında Çempionlar Liqasının yarımfinal oyunlarının təqvimini dərc edib. Corner.az xəbər verir ki, “Mançester Siti” aprelin 26-da öz meydanında Madrid “Real”ı ilə ilk yarımfinal görüşünə çıxacaq. Bu komandalar arasında cavab qarşılaşması mayın 4-də baş tutacaq.
“Liverpul” və “Vilyareal” arasında ilk oyun aprelin 27-də “Enfild”də, cavab qarşılaşması isə mayın 3-də İspaniyada keçiriləcək. Bütün görüşlər Bakı vaxtı ilə saat 23:00-da başlayacaq.
Çempionlar Liqasının finalı mayın 28-də keçiriləcək. Görüş Fransanın Sen-Deni şəhərindəki “Stad de Frans” stadionunda baş tutacaq.
